Turmush —
Кадамжай районунда эпизоотиялык абал туруктуу. Бул тууралуу райондук агрардык өнүктүрүү башкармалыгынын башчысы Абдыганы Жолдошов билдирди.
Анын айтымында, район аймагындагы сатылып жаткан эт жана сүт азыктары толугу менен ветеринарлардын көзөмөлүндө.
«Мал арасында тараган бул илдет С1 оорусу катары аныкталган. Жакын арада ага каршы вакциналар дагы келүүсү күтүлүүдө. Учурда район аймагында абал туруктуу. Базарларда сатылып жаткан эт жана сүт азыктары лабораториялык текшерүүдөн өткөрүлүп, ветеринардык дарыгерлердин катуу көзөмөлүндө. Азык-түлүктөрдөн азырынча эч кандай кооптуу учур катталган жок.
Ошондой эле эттин баасы да тиешелүү органдардын көзөмөлүндө. Антимонополия кызматы тарабынан бодо малдын эти 670 сом, кой эти 700 сом деп белгиленип, бул баалар туруктуу кармалып жатат.
Мындан тышкары, эттин баасын төмөндөтүү максатында райондо жармаңкелер уюштурулуп жатат«», - деди ал.