Бөлүмдөр
Дүйшөмбү, 14-октябрь
Ош облусуАлай району 03.10.2019 11:12 На русском

Алайда милиция бөлүмчөсүнүн жатаканасы жана ашканасы бар 5 бөлмөлүү имараты курулду

Turmush -  Алай районунун Сопу-Коргон айылында милиция бөлүмчөсүнүн жаңы имараты пайдаланууга берилди. Бул тууралуу Ош облустук ички иштер башкармалыгынын басма сөз кызматы билдирди.

1-октябрь күнү Алай районунун Сопу-Коргон айылдык милиция бөлүмчөсүнүн жаңы имаратынын ачылыш аземи өттү. Ага Ош ОИИБдин башчысы Малик Нурдинов, Алай районунун акими Замирбек Молдокулов жана айыл тургундары катышты.

Алай РИИБдин Сопу-Коргон айылдык милиция бөлүмчөсү 2 айыл өкмөттү: К.Белекбаев атындагы Алай айыл өкмөтүн жана Үч-Дөбө айыл өкмөтүн (жалпы 13 айыл, 17 миң адам же 4 миң 175 түтүн) тейлейт.

Сопу-Коргон айылдык милиция бөлүмчөсүнүн эски имараты 1949-жылы курулган. Анын эскилиги жетип, пайдаланууга болбой калгандыктан, жаңы имарат куруу муктаждыгы жаралган. Жаңы имараттын курулушу ушул жылдын июнь айында башталып, 16-сентябрда бүткөрүлгөн. Имараттын аянты 96 чарчы метрди түзөт, 5 бөлмөлүү. Сметалык баасы — 2 млн 666 миң сом. 1 бөлмөсү жатакана же эс алуу бөлмөсү, 1 бөлмөсү ашкана. Нөөмөт бөлмөсүндө жууна турчу жай бар.

Буга чейин Өзгөн районунун Ийри-Суу айылында милиция бөлүмчөсүнүн жаңы имараты курулуп, анын 2 бөлмөсүнө милициянын улук лейтенанты Чыңгыз Өмүралиев үй-бүлөсү менен жайгаштырылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×