Бөлүмдөр
Дүйшөмбү, 14-октябрь
Ош облусуАлай району 27.08.2019 13:16 На русском

Кабылан-Көл—Талдык жолу 5 млн сомго оңдолууда. Эми Ошко баруу оңой болот

Turmush -  Алай районунда Кабылан-Көл—Талдык жолу оңдолууда. Бул тууралуу Кабылан-Көл айыл өкмөтүнүн башчысы Гүлжигит Мадаев билдирди.

Анын айтымында, буга чейин Кабылан-Көл айыл өкмөтүнүн жашоочулары Ош шаарына баруу үчүн 120 чакырым жолду басып өтүшчү. Учурда Кара-Суу районунун Талдык айылы аркылуу барчу кыска жол оңдолууда.

«Буга чейин Кабылан-Көл—Талдык жолун жергиликтүү тургундар өздөрү ашар жолу менен оңдоп, пайдаланып жүрүшкөн. Өткөн жылы аталган жол Транспорт жана жолдор министрлигинин карамагына алынып, быйыл аны оңдоп-түзөө үчүн 5 млн сом бөлүндү. Учурда жол кеңейтилип жатат. Негизи Кабылан-Көл—Талдык жолунун аралыгы 10 чакырымды түзөт. Ал эми Кабылан-Көл—Ош жолу 60 чакырым болот. Быйыл жолдун жарымына шагыл төгүлүп, каражат табылганда калган бөлүгү бүткөрүлөт», - деди Г.Мадаев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×