Бөлүмдөр
Бейшемби, 19-июль
Ош

Алай жана Чоң-Алайда 12 жайлоо бала бакчасы ачылды (фото)

Turmush -  Быйыл Алай районунда 5 жайлоо бала бакчасы ачылды. Бул тууралуу райондук билим берүү бөлүмүнүн окуу-методикалык кабинетинин усулчусу Салима Абдрахманова билдирди.

Анын айтымында, район боюнча Гүлчө, Ленин, Алай, Кабылан-Көл, Сары-Могол айыл өкмөттөрүдө жайлоо бала бакчалары иштеп баштады. Жаш жеткинчектерге жайлоо бала бакчаларында эс алуу менен бирге сабактар да өтүлүп жатат.

Ал эми Чоң-Алай районунун социалдык секторунун жетектөөчү адиси Сапура Мамытова билдиргендей, райондо жалпы 7 жайлоо бала бакчасы уюштурулуп, 150 бала тарбияланууда.

«Кашка-Суу, Кабык, Жаш-Тилек, Кара-Мык, Дароот-Коргон, Кызыл-Эшме, Жайылма айылдарынын жайлоолорунда жайлоо бала бакчалары уюштурулду. Буга чейин бизге жайлоо бала бакчалары үчүн бейөкмөт уюмдар тарабынан 5 боз үй, демөөрчүлөр тарабынан 2 боз үй алынып берилген. Учурда 7 боз үйдө балдар күндүз окуп жатышат. Ар бир боз үйдө 20-30дан бала окуйт. Алар жайкы эс алуу менен бирге мектепке даярданышат. Балдар күнүнө 3 саат билим алышат», - деди С. Мамытова.

Быйыл Өзгөн районунда бир дагы жайлоо бала бакчасы уюштурулган жок.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 948
Комментарии
Для добавления комментария необходимо быть нашим подписчиком
Көп окулду
×