Бөлүмдөр
Бейшемби, 15-ноябрь
Ош облусуАлай району 28.12.2017 09:25

Алайдагы мектеп менен бала бакчанын чатырын шамал учуруп кетти

Turmush -  Алай районунда кечээ, 27-декабрь күнү саат 14:00 чамасында секундасына 20-30 метрге жеткен шамал катталды. Анын кесепетинен Сары-Могол, Талды-Суу, Сары-Таш, Үч-Дөбө айыл аймактарындагы турак үйлөрдүн жана социалдык объектилердин чатырлары жабыркаган. Адамдар жаракат алган жок.

Жарандык коргонуу комиссиясы тактаган маалымат боюнча, Сары-Таш айылындагы К.Эсенов орто мектебинин 2-имаратынын, №21 «Алтын бешик» бала бакчасынын чатырларынан шиферлер сынган. Ал эми, Сары-Могол айыл аймагындагы Сары-Могол айылында 1 турак үйдүн чатыры толугу менен, Үч-Дөбө айыл аймагынын Ак-Босого айылында ашкананын 30 даана шиферин, сарайдын чатырын учуруп кеткен.

Учурда тактоо иштери улантылууда.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×